Վահան Սահակյան, Վիլեն Սահակյան / Հայ և համաշխարհային նշանավոր դեմաքեր/ 2006 թ.
Այս գիրքը այն նշանավոր մարդկանց մասին է, որոնք վառ հետք են թողել պատմության մեջ և հասարակական կյանքում, մեծ ներդրում ունեն գիտության, կրթության, արվեստի, քաղաքականության և մարզական բնագավառներում: Դրանք իմաստուն արքաներ են ու հմուտ զորավարներ, քաղաքագետներ են ու փիլիսոփաներ, գիտնականներ են ու ճանապարհորդներ, արվեստի, կրթության գործինչներ, բարերարներ ու գործարարներ: Եթե ուզում եք իմանալ հայ և համաշխարհային մեծությունների մասին, խնդրեմ, բացեք այս գիրքը և հաղորդակից եղեք նրանց հետաքրքիր և ուսանելի կյանքի մանրամասներին:
Վերջում` հավելվածում, տրված են Նոբելյան մրցանակի դափնեկիրների անունները` գրականության, ֆիզիկայի, քիմիայի, բժշկության և ֆիզիոլոգիայի գծով:
Վ. Ա. Սահակյան, Վ. Վ. Սահակյան / Ուղղագրական բացատրական բառգրքույկ / 2005 թ.
Գրքում փորձ է արված ի մի բերել հայ գրականության և արվեստի նշանավոր դեմքերի մասին արտահայտված գնահատանքի խոսքերը, ինչպես նաև հայ դասականների իմաստուն մտքերը` աշխարհի, կյանքի, արվեստի, գրականության և այլնի մասին, որոնք ուսանելի ու հետաքրքրական են նաև այժմ:
Այս գիրքը օգտակար կարող է լինել ընթերցող լայն հասարակությանը, հատկապես ուսուցիչներին և աշակերտներին` գրական երեկոներ, ցերեկույթներ կազմակերպելու, պատի թերթեր լույս ընծայելու և այլ աշխատությունների համար:
Ալբերտ Փարսադանյան / Թղթապանակ 1915 / 2005 թ.
Հետաքրքիր մտահղացմամբ է մատուցվում գիրքը, որի յուրաքանչյուր հոդված ու հրապարակում յուրովի է ներկայացնում Հայոց եղեռնին առնչվող հարցերը: Դրանք ականատեսների վկայություններ են, պատմական փաստեր, լուսանկարներ, փաստաթղթեր, գիտնականների հետազոտություններ, որոնք քաղված են տարբեր պարբերականներից և տարբեր աղբյուրներից, որոնք ընդգրկում են անցյալ դարավերջից ընդհուպ մեր օրերը տեղի ունեցած իրադարձություններ և որոնք պատկերացում են տալիս հայ ժողովրդի մեծ ողբերգության, անցած դարասկզբին տեղի ունեցած Հայոց եղեռնի, թուրք ոճրագործների գազանությունների, հայոց հերոսամարտերի և Հայ դատի մասին:
Ցոլակ Կանթեղ / Թումանյանը խաղերի մեջ / 2005 թ.
Գրքում ներկայացված են Ամենայն հայոց մեծ բանաստեղծի ստեղծագործությունների հիման վրա կազմված ժամանցներ, որոնք կարող են մատչելի և ուսանելի լինել թե մեծերի, թե փոքրերի համար:
Քաղեց` Վահան Սահակյանը / Հին աշխարհի իմաստունների մտքի գանձարանից / 2005թ.
Այս գիրքը համախմբել է իր մեջ աշխարհի իմաստունների ասույթները, աֆորիզմները, իմաստուն մտքերը:
Վահան Սահակյան / Մարգարիտներ Պարույր Սևակի մտքի գանձարանից / 2004 թ.
Այս գրքում ի մի է բերվել և առանձին փնջերով ներկայացվել է Պարույր Սևակի իմաստուն մտքերի խտացումները:
Այս գրքույկը ծնվել է Պարույր Սևակի պոեզիայի նկատմամբ տածած մեծ սիրուց ու պատկառանքից և կարող է օգտակար լինել ընթերցասեր լայն հասարակության համար:
Ալբերտ Փարսադանյան / Ես սիրում եմ քեզ / 2003 թ.
«Ես սիրում եմ քեզ» գրքի հիմնական թեման սերն է, սիրով գեղեցկացող աշխարհը, սիրո ազնվացնող էությունը և մարդու վեհությունը` շաղախված սիրով, անմնացորդ նվիրումով:
Գիրքը կդառնա սիրող սրտերի ուղեկիցը և բարի խորհրդատուն: Այն հասցեագրված է բոլոր տարիքի մարդկանց, բոլոր նրանց ովքեր, ինչպես հեղինակն է նշում, կարողանում են սրտանց ասել. «Ես սիրում եմ քեզ»:
Լուիզա Ղարիբյան / Դրվագներ Հայոց Պատմությունից / 2003 թ.
Ժողովածուում տեղ են գտել հայ պատմիչներ` Ագաթանգեղոսի, Փավստոս Բուզանդի, Մովսես Խորենացու, Եղիշեի, Ղազար Փարպեցու, Ղևոնդի երկերից հետաքրքիր դեպքերն ու իրադարձությունները, առասպելներն ու լեգենդները:
Ժողովածուն նախատեսված է ուսուցիչների, բարձր դասարանների աշակերտների, ինչպես նաև ընթերցող լայն հասարակայնության համար:
Վ. Ա. Սահակյան, Վ.Վ. Սահակյան / Դպրոցական բացատրական բառարան /2002 թ.
Սույն բացատրական բառարանը ընդգրկում է դպրոցական դասընթացում հանդիպող ամենից շատ գործածական ու ամենաանհրաժեշտ բառացանկը (շուրջ 850 բառ), որը նաև ուղղագրական դժվարություն է ներկայացնում:
Դպրոցական բացատրական բառարանը մեծապես կնպաստի սովորողների գործուն բառապաշարի հարստացմանը և խոսքի զարգացմանը: Այն հասցեագրված է միջն. դպրոցի աշակերտներին, կարող է օգտակար լինել նաև բուհ ընդունվողներին, ուսանողներին և առհասարակ` հայերենով հետաքրքրվողներին:
Վ. Վ. Սահակյան, Ռ. Ժ. Ներսիսյան / Գնահատանքի խոսքեր հայոց մեծերի մասին / 2005 թ.
Գրքում փորձ է արված ի մի բերել հայ գրականության և արվեստի նշանավոր դեմքերի մասին արտահայտված գնահատանքի խոսքերը, ինչպես նաև հայ դասականների իմաստուն մտքերը` աշխարհի, կյանքի, արվեստի, գրականության և այլնի մասին, որոնք ուսանելի ու հետաքրքրական են նաև այժմ:
Այս գիրքը օգտակար կարող է լինել ընթերցող լայն հասարակությանը, հատկապես ուսուցիչներին և աշակերտներին` գրական երեկոներ, ցերեկույթներ կազմակերպելու, պատի թերթեր լույս ընծայելու և այլ աշխատությունների համար:
Պավել Ծատուրյան / Նոբելյան մրցանակի դափնեկիրներ (1901-2000)/2007թ.
Գիրքը հեղինակի ավելի քան կեսդարյա աշխատանքի արդյունքն է: Այն չի ստեղծվել վիճակագրական աղյուսակների և ամփոփ տեղեկագրերի հիման վրա: Հարյուրավոր գրքերից քաղված տեղեկությունները, Նոբելյան մրցանակների դափնեկիրների մասին հուշերը, ականավոր գիտնականների կյանքն ու գործունեությունը մատուցվում են հանրամատչելի, հետաքրքիր պատմելաոճով: Առանձին ուշադրություն է նվիրված Նոբելյան դափնեկիրների և հայ գիտնականների կապերին: Գիրքն արժեքավորվում է նաև նրանով, որ իր տեսակի մեջ միակն է հայ իրականության մեջ:
Սուրեն Հայրապետյան / Բարու աչքերով / 2009 թ.
Գիրքը նախատեսված է տարբեր տարիքի ընթերցողների համար: Պատմվածքներն ու նովելներն ներկայացված են բնության զարմանալի խոր իմացությամբ, ճշմարտացի ու իրկան, տոգորված են հայրենասիրական վեհ գաղափարներով:
Գիրքն ունի ճանաչողական, ուսուցողական, բնապահպանական, գեղագիտական արժեք:
Լուսանկարներում բնության բազմազանությունն է` հոգեզմայլ ակնթարթներով, կյանքի թրթիռներով:
